SOMO: NGUVU YA DAMU YA YESU KATIKA KUWEKA AGANO

SOMO: NGUVU YA DAMU YA YESU KATIKA KUWEKA AGANO

Na Ayoub Jacob Leo,FPCT KISESA 13.11.2016 hadi 27.11.2016

Nini maana ya Agano?

Maana:  Ni mapatano au makubaliano yanayowekwa baina ya pande mbili au zaidi ili kutekeleza jambo/mkakati uliopo.Katika Maandiko kuna maagano mengi yaliyowekwa na Mungu na watu au watumishi wake.

Mfano Agano la Mungu na Adam Edeni,Mungu na Nuhu,Mungu na Ibrahim,Mungu na Musa,Agano la kanisa la leo kwa damu ya  Yesu( Math 26:28)

MSINGI WA AGANO LA DAMU YA YESU

Yer 31:31-33,Ebr 8:8

• ·         Agano hilo linatambulishwa kuwa jipya
• ·         Halitafanana na agano lolote lile
• ·         Agano litatia sheria ndani ya mioyo yao.
• ·         Ndani ya mioyo yao zitaandikwa
• ·         Agano litawafanya watu wa Mungu kuwa milki yake.

Damu ya Yesu ina nguvu kupita agano lolote :- ( Math 26:28a)

1. ·         Damu ya Yesu kwa ajili ya ondoleo la dhambi Math 26 :28,1Yoh 1:7-8

“Na kila Kuhani husimama kila siku akifanya  ibada, na kutoa dhabihu zile zile mara nyingi ambazo (Yesu Kristo), alipokwisha kutoa kwa  ajili ya dhambi dhabihu moja idumuyo hata  milele aliketi mkono wa kuume wa Mungu;tangu hapo akingojea hata adui wawekwe kuwa chini ya miguu yake. Maana kwa toleo moja AMEWAKAMILISHA HATA MILELE hao wanaotakaswa. Na Roho Mtakatifu naye atushuhudia; kwa maana, baada ya kusema, Hili ni agano (Jipya) nitakaloagana nao baada  ya siku zile, anena Bwana, nitatia sheria zangu mioyoni mwao, na katika nia zao nitaandika; ndipo anenapo, dhambi zao na uasi wao sitaukumbuka tena kabisa. Basi ondoleo la hayo likiwapo, hapana toleo tena kwa ajili ya dhambi” (Waebrania 10:11 –18)

Mtu anapotubu dhambi zake na kumwamini Yesu Kristo kuwa Bwana na Mwokozi wa maisha yake; Damu ya Yesu Kristo inafuta dhambi hizo moyoni mwake, pamoja na kufuta dhambi zilizoandikwa katika vitabu vya mbinguni kwa ajili ya kumshitaki.

“Na katika Torati Karibu vitu vyote husafishwa kwa damu, na pasipo kumwaga damu hakuna ondoleo. Basi ilikuwa sharti nakala za mambo yaliyo mbinguni zisafishwe kwa hizo, lakini  mambo ya mbinguni yenyewe yasafishwe kwa  dhabihu zilizo bora kuliko hizo. Kwa sababu Kristo hakuingia katika patakatifu palipofanyika kwa mikono ndio mfano wa patakatifu halisi; bali aliingia Mbinguni hasa, aonekane sasa usoni  pa Mungu kwa ajili yetu; wala si kwamba ajitoe mara nyingi, kama vile kuhani Mkuu aingiavyo  katika patakatifu kila mwaka kwa damu isiyo yake;kama ni hivyo, ingalimpasa kuteswa mara nyingi tangu kuwekwa msingi wa ulimwengu; lakini sasa  MARA MOJA TU, katika utimilifu wa nyakati amefunuliwa, AZITANGUE DHAMBI KWA DHABIHU YA NAFSI YAKE” (Waebrania 9:22-26)

·         2. Damu ya Yesu katika kufanya upatanisho, ( Ef 2:12-17),2Cor 5:17-20

“Hili ni zuri, nalo lakubalika mbele za Mungu  Mwokozi wetu; ambaye hutaka watu wote waokolewe, na kupata  kujua yaliyo kweli.  Kwa sababu Mungu ni mmoja, na mpatanishi  kati ya Mungu ni mmoja, na mpatanishi kati  ya Mungu na wanadamu ni mmoja, Mwanadamu Kristo Yesu” ambaye alijitoa mwenyewe kuwa  ukombozi kwa ajili ya wote, utakaoshuhudiwa  kwa majira yake” (1Timotheo 2:3-6)

UPATANISHO KATI YA MTU NA MTU

Tafuteni kwa bidii kuwa na amani na watu wote, na huo utakatifu, ambao hapana mtu atakayemwona Bwana asipokuwa nao, mkiangalia sana mtu asiipungukie neema ya Mungu; shina la uchungu lisije likachipuka na kuwasumbua, na watu wengine wakatiwa unajisi( kumb 29:18,Mdo 8:22-23) kwa hilo” (Waebrania 12:14,15).

·         KUACHILIA DAMU YA YESU JUU YA MAFARAKANO

Lakini sasa, katika Kristo Yesu, ninyi mliokuwa  mbali hapo kwanza mmekuwa karibu kwa DAMU  YAKE KRISTO. Kwa maana yeye ndiye amani yetu, aliyetufanya sisi sote tuliokuwa wawili kuwa mmoja;  akakibomoa kiambaza cha kati KILICHOTUTENGA.  Naye  akiisha kuuondoa ule UADUI KWA MWILI WAKE;  ndiyo sheria ya amri zilizo katika maagizo; ili afanye hao wawili kuwa MTU MPYA MMOJA  ndani ya nafsi yake; akafanya AMANI.  AKAWAPATANISHA WOTE WAWILI NA Mungu katika mwili mmoja, kwa njia ya MSALABA,  AKIISHA KUUFISHA ULE UADUI KWA HUO MSALABA”  (Waefeso 2:12-17).,Is 57:19,52:7,Kol 2:13-14,2Cor 5:17

a)   Damu ya Yesu hubomoa ngome/viambaza.

b)   Damu ya Yesu huondoa uadui/chuki

c)    Damu ya Yesu huleta umoja

d)   Damu ya Yesu huleta umoja

Kumbuka hakuna Amani pasipo mapatano(agano)

20Kwa hiyo sisi ni mabalozi wa Kristo, kana kwamba Mungu anawasihi kwa kupitia vinywa vyetu, nasi twawaomba sana ninyi kwa niaba ya Kristo, mpatanishwe na Mungu. 21Kwa maana Mungu alimfanya Yeye asiyekuwa na dhambi  kuwa dhambi kwa ajili yetu, ili sisi tupate kufanywa haki ya Mungu katika Yeye ( 2 Cor 5:17

3.    Damu ya Yesu katika kufanya urejesho ( 2cor 5:18, Col 1:20

Nini maana ya urejesho ?,

Ni tendo la kurudisha kitu/hali iyopotea/kuharibika katika hali yake ya awali au asili.Law 26:23,Rum 12:2

HALI/VITU VINAVYOWEZA KUPOTEA

a)    Ufahamu/akili ( uwezo wa fikira)-Isa 59:14,Dan 4:34-38

b)   Vitu /mali .2fal 6: 1-7

c)    Afya/uzima-Kila mara magonjwa au mateso 2fal 4: 38,Uf 21:4

d)   Umri/miaka ya kuishi- Yoeli 2:25

e)    Mahusiano mfano Ndoa,Urafiki, Ibada 2ny 29:24

JINSI YA KUFANYA UREJESHO

                   i.        Jikabidhi katika mikono ya Mungu 1Pet 5:6-10

                 ii.        Kiri mamlaka ya damu ya Yesu.Achilia damu ya Yesu kwa mamlaka na ujasiri kwa kuwa umekubaliwa. Kwa sababu neno la msalaba kwao wanaopotea ni upuzi, bali kwetu sisi tunaookolewa ni nguvu ya MUNGU. '' 1 Kor 1:18. Zek 9:11,Isa 61:1

                iii.        Nyunyiza damu ya Yesu-Kut 24:28,Chovya mali ndani ya damu ya Yesu  Uf 19:13

·       4.  Damu ya Yesu katika Kuleta ushindi kwa mwana wa Mungu. 10Hatimaye, mzidi kuwa hodari katika Bwana na katika uweza wa nguvu Zake. 11Vaeni silaha zote za Mungu mpate kuweza kuzipinga hila za Shetani. 12Kwa maana kushindana kwetu si juu ya damu na nyama, bali ni juu ya falme na mamlaka, juu ya wakuu wa giza na majeshi ya pepo wabaya katika ulimwengu wa roho. 13Kwa hiyo twaeni silaha zote za Mungu,mpate kuweza kushindana siku ya uovu,na mkiisha kuyatimiza yote, kusimama.( Efeso  6:10-13)

Ndugu yangu kumbuka kwamba kila wakati shetani yupo katika vita.Hapendi kuona watu wanafanikiwa kwa jambo lolote liwe dogo au kubwa.Mfano ukipiga hatua yoyote nzuri yeye anaandaa mpango wa kukurudisha nyuma.

Aidha unatakiwa kujua kuwa hatupigani na watu  bali falme ( tawala).Hii ina maana kwamba kila mahali shetani ana tawala zake,baadhi ya maeneo kuna utawala wa mila( mahali pengine watemi,watwala  n.k ).Hawa walio wengi wana maagano fulani katika ulimwengu wa roho,tena wengine wana vyeo vya kutumika wakuu wa ardhi,maji,anga,biashara,mifugo na uzao.

Mwana wa Mungu anatakiwa kuvaa silaha za kuweza kushinda.Baadhi ya silaha ni damu ya Yesu.Ufunuo 12:7-8,11……nao wakamshinda kwa damu ya mwanakondoo.Mwana wa Mungu damu ya Yesu ina nguvu za kukuletea ushindi.

MAMBO YA KUZINGATIA ILI UPATE USHINDI KWA DAMU YA YESU

a)    Mshukuru Mungu kwa kukukomboa kutoka katika vifungo vya dhambi.1Yoh1:7-8,Ebr 10:11-18,9:20-29.

Kila vita inayokuja imepimwa unatakiwa kumshukuru Mungu maana kila jaribu lina mlango wa kutokea.Ukiona  kuna vita kumbuka kwamba vita ni ya Bwana.Hivyo mshukuru Mungu ili ajitokeza na kukuletea ushindi.

Kumbuka katika shukrani kuna nguvu,hivyo ukikabiliwa na changamoto mshukuru Mungu mwambie vita iliyopo ndiyo nafasi yako.Hakika Mungu akiinuliwa yeye hudhihirika.

b)   Jivike silaha ya damu ya Yesu Uf 12:11, Nyunyiza damu ya Yesu,jichovye ndani ya damu ya mwanakondoo.

c)    Achilia damu ya Yesu juu ya vita kwa kuisemesha vita uliyonayo.

Kumbuka ndani mwako kuna nguvu,nguvu hizo zikiachiliwa shetani hana lake maana umekubalika.Usijidharau tamka ushindi,tangaza vita,simamisha dhoruba,n.k

 MIFANO YA WATU WALIOSEMESHA VITA/CHANGAMOTO AU UPINZANI

                             i.        Bwana Yesu alisemesha dhoruba na upepo ( Mark 4:35-41,Lk 8:22-23,Yesu  aliulaani mtini ( Mark 11:12-22),Yesu alimsemesha Lazaro aliyekufa ( Yoh 11 :1- )

                           ii.        Daudi alimsemesha Goliathi (1Sam 17:45)

                          iii.        Ezekieli alizungumza na mifupa mikavu ( Eze 37 :1- ).

§  Jiulize upepo na dhoruba yako utausemesha nini ? Muda wa kutuliza upepo umefika,usizame ukemee kwani Bwana wa Vita yupo.Tumia damu yake hakika utauona mkono wa Bwana.

§  Goliath wako ni nani ? Mwendee kwa damu ya Yesu uone atavyokuwa mikononi mwako ?

§  Mifupo mikavu yako nini ? Iamuru ijikusanye,itabirie na kurejesha uzima.

MWISHO

Hakuna uchawi wala mapepo vinavyosimama mbele ya damu ya Yesu.Damu ya Yesu ni kiboko juu ya vita.Wana wa Israel walitumia damu ya mwanakondoo kama pigo la mwisho.Hakika Mungu aliwapigania.Wewe ni zaidi ya Musa,Daudi na Ezekieli.

Damu ya Yesu ni msingi wa agano jipya ( Lk 22:20 ).Tumia damu ya Yesu hakika Utashinda.

Mungu Akubariki sana.

Niandikie

Baruapepe :ayoubleo@yahoo.com au +255785 645 177 au +255755 035 722

Blog : www.nsanacz.blogspot.com