VIZUIZI VINAVYOWAFANYA WATU WASIPENDE KUJIFUNZA NENO LA MUNGU

Na, Mch.JULY BOSHA FPCT KISESA
Katika semina za NENO la Mungu zilizoendelea FPCT Kisesa Mtumishi wa Mungu Mch. JULAI BOSHA akiwa amejawa na nguvu za Roho Mtakatifu aliwafundisha wanafunzi wa Kristo (Zamani Washirika) kuwa watu wengi hawapendi mafundisho ya Neno la Mungu kutokana na sababu zifuataz :-
1.     Makuhani/Wachungaji kutofundisha kweli ya Mungu ipasavyo.Ezek 22:26 “Makuhani wake wameihalifu sheria yangu, wametia unajisi vitu vyangu vitakatifu; hawakuweka tofauti ya vitu vitakatifu na vitu vya kutumiwa sikuzote; wala hawakuwafundisha watu kupambanua vitu vichafu na vitu vilivyo safi, nao wamefumba macho yao, wasiziangalie sabato zangu, nami nimetiwa unajisi kati yao”. Alieleza kuwa watumishi wengi hawana muda wa utosha katika kuandaa mafundisho na matokeo yake hujikuta wandaa mafundisho manyonge.
        Baadhi hupenda kuwaachia wasaidizi wao kulisha kundi huku wao wakisafiri kwenda matawi mengine kuliko kulisha matawi yao.Wachungaji ndiyo wenye dira(maono ) ya watu walio chini yao lakini hujisahau wiki au miezi kadhaa na kuondoka kila mialiko wanayopata.Aliwasihi kufanya mabadiliko na kutumia muda mwingi kulisha mawati yao kuliko kusafiri kila mara.Aidha aliwasihi viongozi kuwaangalia wachungaji katika mahitaji mengine ili wao pia walishe kundi kwa kuwa hali ngumu ya maisha na kujikuta wanatumia muda mwingi kusaka mahitaji binafsi ,familia na wategemezi.
2.     Kutokuwa makini kufuatilia mafundisho. Yer 32:33. Katika hili alisema wanafunzi wengi wa Kristo hawako makini kufuatilia neno la Mungu na kujikuta hawakui Kiroho siku hadi siku. Alisema mwanafunzi mzuri huwa makini kufuatilia mafundisho.
3.    Kutokuzingatia/kutokujali au kupuuzia. 1 Kor 1 :18 “Kwa sababu neno la msalaba kwao wanaopotea ni upuzi, bali kwetu sisi tunaookolewa ni nguvu ya Mungu”.Wanafunzi wengi wana kawaida kutofuatilia kwa kina mafundisho ya NENO LA MUNGU.Ama kwa makusudi au uzembe tu.Mwanafunzi asiyefuatilia mafundisho hujiandaa kufanya vibaya.
4.    Kukosa utulivu wa akili katika ibada. Rum 10 :2 “Kwa maana nawashuhudia kwamba wana juhudi kwa ajili ya Mungu, lakini si katika maarifa.” Alisema kuwa wanafunzi wengi ambao muda mwingi wanakuwa na mambo mengi(busy) katika ibada na kujikuta hawajifunzi chochote mfano kuna watu ambao hukaa kupokezana watoto wachanga na kujikuta wakipitwa na huduma .
Aliendelea kufundisha  sababu nyingine kama :-
5.    Ugumu wa mioyo ( Math 13 : 4-5),mamb mengi yapo kwenye mioyo na kujikuta wanakuwa wagumu kupokea mafundisho.
6.    Shughuli za utafutaji huchukua nafasi ya kwanza kuliko Mungu. Math 13 : 7
7.    Mapokeo ya kidini/mazoea. Matendo 7 : 1,6: 1 .Watu hawataki kupokea neno la Mungu kwa kisingizio cha ujuaji na kushikilia misimamo ya imani zao.
8.     Nguvu ya mpinga Kristo (roho ya mpinga kristo.).Shetani yupo kazini na hayuko tayari kuona watu wanapokea mafundisho badala yake atawaziba masikio wasisikie,macho wasione na kujikuta wanapotea “Sikilizeni neno hili, enyi watu wajinga msio na ufahamu; mlio na macho ila hamwoni; mlio na masikio ila hamsikii. Yer 5 :21 ,  Lakini ikiwa injili yetu imesitirika, imesitirika kwa hao wanaopotea; 
ambao ndani yao mungu wa dunia hii amepofusha fikira zao wasioamini, isiwazukie nuru ya injili ya utukufu wake Kristo aliye sura yake Mungu. 2Wakorintho4
Alisisitiza watu wa Mungu wapende kujifunza kwa kuna hazina imefichika katika Neno la Mungu  ( Ay 35 : 11,34 :32 na 1Yoh 2 :27 ,Zab 32 :8,25 :8 )
IMEANDIKWA NA AYOUB LEO
MUNGU AKUBARIKI SANA UNAPOFUATILIA MAFUNDISHO HAYA.


Maoni

Chapisha Maoni

Machapisho maarufu kutoka blogu hii

KUFANIKIWA KI -UCHUMI KWA NJIA YA MUNGU

Picha
SHUKRANI. Ninamshukuru Mungu kwa kunipa nafasi ya kukufikia mtu wa Mungu kupitia ujumbe huu. Pia ninamshukuru mke wangu mpendwa Jane Ayoub kwa kunitia hamasa ya kufanya kazi ya Mungu.Pia watoto wangu Bernadetha Ayoub,Bertha Ayoub na Bernice Ayoub,kwa kuniombea na kuvumilia upweke wangu kwao. Siwezi kusahau watumishi wa Mungu walioandika na kufundisha masomo yanayofanana na somo hili.Nimejifunza mambo mazuri yaliyofanyika msaada kwangu.Nitataja wachache 1.   Dr.Myles Munroe 2.   Pastor Chris Oyakilome (PHD) 3.   Dr.Mensa Otabil 4.   Rev.Primus Muabuzi 5.   Mwl, Christopher Mwakasege 6.   Bishop Augustine Mpemba 7.   Mch.John Mkuwa     8.   Fredrick Eliakim 9.   July Bosha- Kiongozi na   mlezi wangu Kiroho Ninakushauri unaposoma kijitabu hiki utulie kwa makini na kutafakari kwa kina.Nukuu zimetoka katika maandiko matakatifu yaani Biblia.Mahali pengine nimenukuu maandiko ya semina na mafundisho kutoka kwa wapakwa Mafuta wa Bwana.Nina imani utabarikiwa.Ayoub
Endelea kusoma

UCHAMBUZI WA KITABU CHA DANIELI

Na, Rev. Innocent Kamote        SEHEMU YA 1:   KITABU CHA DANIELI.                                            SOMO LA 1:   KUPITIA   YA KITABU CHA DANIELI : A;             D A N I E L I:                 Lengo la 1;   - Eleza Historia fupi ya Danieli. Danieli – jina lake lina maana “ Mungu ndiye Hakimu wangu ”.   Alikuwa mmojawapo wa mateka waliochukuliwa na mfalme Nebukadneza katika mwaka 605 KK. Kutoka Yerusalemu na kupelekwa Babeli.   Aliishi kipindi chote cha utumwa cha miaka 70 huku akiwa nabii na mwandishi wa Kitabu cha Danieli.   Tunamfahamu Danieli jinsi alivyokuwa mcha Mungu, tukisoma Eze.14:14-20.   Inavyoonekana alitokea na ukoo wa daraja la juu huko Yerusalemu.   Danieli hakuwahi kuoa, inawezekana alifanywa towashi kwa sababu alifanya Kazi katika   Kasri la mfalme. B.             KITABU CHA DANIELI:                 Lengo la 2 :   Taja tarehe na makusudi ya kuandikwa kitabu hiki.      Kitabu hiki kiliandikwa kati ya mwaka 536 – 530 KK. Kikiwa na m
Endelea kusoma

SOMO: NGUVU YA DAMU YA YESU KATIKA KUWEKA AGANO

SOMO: NGUVU YA DAMU YA YESU KATIKA KUWEKA AGANO Na Ayoub Jacob Leo,FPCT KISESA 13.11.2016 hadi 27.11.2016 Nini maana ya Agano? Maana:   Ni mapatano au makubaliano yanayowekwa baina ya pande mbili au zaidi ili kutekeleza jambo/mkakati uliopo.Katika Maandiko kuna maagano mengi yaliyowekwa na Mungu na watu au watumishi wake. Mfano Agano la Mungu na Adam Edeni,Mungu na Nuhu,Mungu na Ibrahim,Mungu na Musa,Agano la kanisa la leo kwa damu ya   Yesu( Math 26:28) MSINGI WA AGANO LA DAMU YA YESU Yer 31:31-33,Ebr 8:8 ·          Agano hilo linatambulishwa kuwa jipya ·          Halitafanana na agano lolote lile ·          Agano litatia sheria ndani ya mioyo yao. ·          Ndani ya mioyo yao zitaandikwa ·          Agano litawafanya watu wa Mungu kuwa milki yake. Damu ya Yesu ina nguvu kupita agano lolote :- ( Math 26:28a) ·          Damu ya Yesu kwa ajili ya ondoleo la dhambi Math 26 :28,1Yoh 1:7-8 “ Na kila Kuhani husimama kila siku akifanya  ibada,
Endelea kusoma