SOMO : UTATAKA KUTUBU LAKINI TOBA YAKO ITAKATALIWA.

MCH. BOAZ ANASI FPCT UJIJI KIGOMA

Kuna mambo yanaonekana kana kwamba Mungu ana ugomvi na wewe.

Mambo haya yanakwamisha au kukufanya ushindwe kumwona Mungu katika maisha yako.

Isa 1:19,Yak 4 :7a,Kut 19 : 3-8

3Musa akapanda kwa Mungu, na BWANA akamwita toka mlima ule, akisema, Utawaambia nyumba ya Yakobo, na kuwaarifu wana wa Israeli, maneno haya; 4#Kum 32:11; Isa 63:9; Ufu 12:14Mmeona jinsi nilivyowatendea Wamisri, na jinsi nilivyowachukua ninyi juu ya mbawa za tai, nikawaleta ninyi kwangu mimi. 5#Kum 4:20; 7:6; 10:14; 14:2; 26:18; 32:8; 1 Fal 8:53; Zab 50:12; 135:4; Tit 2:14; 1 Kor 10:26Sasa basi ikiwa mtaitii sauti yangu kweli kweli, na kulishika agano langu, hapo ndipo mtakapokuwa tunu kwangu kuliko makabila yote ya watu; maana dunia yote pia ni mali yangu, 6#Ufu 1:6; 5:10; 20:6; 1 Pet 2:5,9; Law 20:24; Kum 7:6; Isa 62:12; 1 The 5:27nanyi mtakuwa kwangu ufalme wa makuhani, na taifa takatifu. Hayo ndiyo maneno utakayowaambia wana wa Israeli. 7Musa akaenda akawaita wazee wa watu, akawafunulia maneno hayo yote, BWANA aliyokuwa amemwagiza. 8#Kut 24:3,7; Kum 26:17Watu wote wakaitika pamoja wakisema, Hayo yote aliyoyasema BWANA tutayatenda. Naye Musa akamwambia BWANA maneno ya hao watu.

JAMBO LA KWANZA : KUTOKUTII SAUTI YA MUNGU

Kumbuka jinsi Mungu alivyowatendea Israeli kwa mapigo kumi.Mungu aliwaahidi kuwa kama watamtii atawatukuza juu ya mataifa yote.

Watu walikubali na kusema kwamba watayatenda yote (watatii).Mungu hapa anaweka mkataba kati yake na wanawa

Isa 1:19 Kama mkikubali na kutii mtakula mema ya nchi; Kumbe kama mkiitii sauti ya Mungu mtakula mema ya Nchi.Kanisa la leo limejikuta halitii sauti ya MUNGU (NENO).Jambo hili linaleta shida kwa watu wengi.Wanakataa kutii maigizo ya Mungu katika maisha yao.

Kama tukifanya mambo yote pasipo utii ni kujilisha upepo.Sifa pasipo utii ni kujilisha upepo.Yako mambo tunayafanya katika ibada lakini watu wanapungukiwa na neno moja la utii.Kila mara Mungu anatoa maagizo katika madhabahu yake.

Watu hawako tayari kutii Neno la Mungu,wanataka kwenda wanavyotaka.Binti akiolewa anatakiwa kutii utaratibu wa ndoa siyo kuishi anavyotaka.

Mungu anataka tuenende kama anavyotaka.Mungu anasema na watu kwa njia :-

a)  Sauti yake (ndogo)

b)  Neno lake (Maandiko Matakatifu )

c)  Ndoto

Maana ya Kutii ?

Ni kufanya kile unachotakiwa kukifanya kwa moyo wa kupenda.Ukifanya hivi kinaleta Baraka.

Kutokutii sauti ya Mungu kunaleta shida.Kunamfanya Mungu akasirike kwa kuwa unaonekana kama mkaidi.Unaonekama usiyekubali

JAMBO LA PILI : “ KUTOKUFANYA MAPENZI YA MUNGU” KUMB 28 :1,LK 2:10-15

Kum 28:1”Itakuwa utakaposikia sauti ya BWANA, Mungu wako, kwa bidii, kutunza kuyafanya maagizo yake yote nikuagizayo leo, ndipo BWANA, Mungu wako, atakapokutukuza juu ya mataifa yote ya duniani”;

Tunapaswa kuzingatia kuyafanya maagizo ya Mungu.Kama hatutendi/kuzingatia maagizo tunazuia majibu kutokea.

Ushuhuda wa Mchungaji kuishiwa akiba mwisho wa mwezi.Wakati matangazo ya sadaka yanatolewa.Alisikia sauti ndogo ikimwambia chakula/sadaka inayotolewa ni kwa ajili ya wajane.Alikabidhi sadaka yote iliyotolewa kwa wajane na baadae wingu la Roho Mtakatifu likaifunika ibada.Alitokea mtu mmoja na kuchukua microphone kisha akaagiza kila mwenye Tsh 10,000/= atoe.

Kutii ni bora kuliko dhabihu.Mungu anatamani kukufunulia utukufu .Unataka Mungu aseme na ninyi kwa namna gani ?Kumbuka  Tajiri na Lazaro/Ibrahimu.Tunatakiwa kuwasikiliza watumishi wa Mungu wanaposema yale waliyoambiwa na Mungu.Sikilizeni sana watumishi wa Mungu.

UKITII SAUTI YA MUNGU WEKA KATIKA VITENDO

IPO HATARI MBELE YAKO KAMA HAUTAITII SAUTI YA MUNGU. 1Sam 15: Ingawa ulikuwa mdogo machoni pako mwenyewe, je! Hukufanywa kuwa kichwa cha kabila za Israeli? Naye BWANA akakutia mafuta uwe mfalme wa Israeli. 18Kisha BWANA akakutuma safarini, akasema, Enenda ukawaangamize kabisa wale Waamaleki wenye dhambi, upigane nao hata watakapoangamia. 19Mbona, basi, hukuitii sauti ya BWANA, bali ukazirukia nyara ukafanya yaliyo maovu machoni pa BWANA? 20Sauli akamwambia Samweli, Hakika mimi nimeitii sauti ya BWANA, nami nimemleta Agagi, mfalme wa Waamaleki, tena nimewaangamiza Waamaleki kabisa. 21Ila watu waliteka nyara, kondoo na ng’ombe walio wazuri, katika vitu vilivyowekwa wakfu, kusudi wavitoe dhabihu kwa BWANA, Mungu wako, huko Gilgali.

22 Naye Samweli akasema,je! BWANA huzipenda sadaka za kuteketezwa na dhabihu

Sawasawa na kuitii sauti ya BWANA?Angalia, kutii ni bora kuliko dhabihu,

Na kusikia kuliko mafuta ya beberu.

23 # Kum 18:10 Kwani kuasi ni kama dhambi ya uchawi,

Na ukaidi ni kama ukafiri na vinyago;

Kwa kuwa umelikataa neno la BWANA,

Yeye naye amekukataa wewe usiwe mfalme.

24  Ndipo Sauli akamwambia Samweli, Nimefanya dhambi; maana nimeihalifu amri ya BWANA, pia na maneno yako; kwa sababu naliwaogopa wale watu, nikaitii sauti yao. 25Basi sasa, nakuomba, unisamehe dhambi yangu; rudi pamoja nami, nipate kumwabudu BWANA. 26#1 Sam 2:30Samweli akasema, Sitarudi pamoja nawe; kwa sababu umelikataa neno la BWANA, BWANA naye amekukataa wewe, usiwe mfalme wa Israeli.

Sauli alifanya kinyume na maagizo ya Mungu kwa kuleta mfalme wakati alipaswa kumwua siyo kumleta.Kwa kosa hilo SAULI alikataliwa na ufalme wakke ?

Mara ngapi Bwana amesimama na kusema na wewe lakini hakuna kinachofanyika.Itafika mahali utapaswa kutubu lakini toba yako itakataliwa.Kuna watu ukaidi wao unaonekana kushindikana.UTATAKA KUTUBU NA TOBA YAKO ITAKATALIWA.