FARAGHA YA MAOMBI



Lengo : : Kukutana na Mungu na Utukufu wake
Na: Mch.John Mkuwa kutoka FPCT KISEKE
Mwanadamu anahitaji kukutana na Mungu pamoja na utukufu wake.Yako maeneo mengi ambayo Mungu huweza kukutana na watu wake, baadhi ya maeneo hayo ni pamoja na eneo la faragha .Kuna faragha nyingi katika maisha ya wokovu baadhi ya faragha hizo ni :-
a)     Faragha ya maombi
b)     Faragha ya kusoma neno
c)      Faragha ya ukimya au utulivu
Kama nilivyoeleza hapo juu kwamba kuna faragha nyingi leo tutaangalia faragha ya maombi. 
Nini maana ya faragha ya maombi ? 
Maombi ni mazungumzo ya mtu na Mungu wake.Maombi ya faragha ni mazungumzo ya mtu na Mungu katika eneo la utulivu wa akili,ukimya,upekee usio na mwingiliano wa kitu chochote.Maombi ya faragha ni maombi yenye uwezo mkubwa wa kumshusha Mungu ndiyo maana maombi haya yanatakiwa kufanyika mahali pa SIRI.
SIRI YA FARAGHA
  •  Yesu mara nyingi alifanya maombi ya faragha
  •  Mikataba mikubwa ya Nchi hufanyika mahali pa faragha
  •  Mazungumzo yenye maana na nguvu hufanyika mahali pa faragha
  •  Mfalme herode aliwaita Mama jusi mahali pa faragha.
  •  Mambo mazito na ya siri  huzungumzwa faragha.
Faragha ni muhimu sana kwa maisha ya :-
a)     Huduma       
Watumishi wanakuwa busy na huduma kuliko kuwa busy na mtoa huduma.Huduma ya kuhubiri neno la Mungu na kuwahudumia watu wa MUNGU inahitaji muda mwingi mtumishi awe na tabia ya kuwa na faragha na Mungu.
b)     Ndoa 
Ndoa nyingi zina migogoro na zimeingia katika migogoro kwa sababu hakuna faragha kati ya wanandoa kila kitu hufanywa hadharani.
c)     Maisha ya familia.
Watoto wengi wanaharibika kwa sababu hawana faragha au walikosa faragha kutoka kwa wazazi wao.Wazazi wanachukulia kuwa watoto hawana mchango wowote katika maamuzi ya kifamilia na hivyo hakuna muda wa kuwasikiliza kile wanachofikiria.
d)     Maisha ya kazi na biashara
Kila kazi inahitaji faragha ili akili iumbike upya .Ndiyo maana hata wachungaji wanahitaji kuwa na likizo ili akili iumbike upya.Wafanyakazi wa Serikali na sekta wanapata likizo ulishajiuliza kwa nini hivyo ?.Wafanyabiashara wanakuwa na muda wa kufurahia kazi na kutafakari biashara kwa kwenda sehemu zenye vivutio ili kubadili mifumo ya ufanyaji biashara.

“Basi wale mitume waliporudi walimweleza mambo yote waliyoyatenda ; akawachukua ,akaenda nao faraghani mpaka mji mmoja uitwao Bethsaida”Luka 9: 10 Ukiangalia kwa kina utagundua kuwa Yesu alithamini kukutana na wanafunzi wake mahali pa Siri ili kutatua changamoto zao nap engine kufanya maandalizi ya kazi kubwa na uponyaji wa watu.

Dr.MYLES MUNROE anasema“If you spent four hours in the morning with God you will use a minute to solve human problems” Tafsiri isiyo rasmi ni ukitumia masaa manne na Mungu kabla ya kupambazuka utatumia muda mchache kumaliza matatizo ya watu”

Akawaambia ,njoni peke yenu kwa faragha ,mahali pasipokuwa na watu,mkapumzike kidogo.Kwa sababu walikuwako watu wengi,wakija ,wakienda ,hata haikuwapo nafasi ya kula.Marko 6:31
Soma pia mathayo 24:1-3
……………… hata alipokuwa ameketi katika mlima wa mizeituni,wanafunzi wake walimwendea kwa faragha…………………….

Ø Tujifunze kutatua mambo yetu mahali pa faragha.
Ø Jifunze kusoma watu na hali zao,ukiona huwezi kufanya mazungumzo nao hadharani waite faraghani.
Ø Kukosekana kwa faragha kuna ua huduma
Ø Usiwe busy na huduma uwe busy na mtoa huduma
Ø Yesu pamoja na uwezo wote alithamini kuwa na faragha sana,mara utasikia akisema na tuvuke ng’ambo.Lakini pia alitumia miaka mitatu kufanya huduma hapa duniani baadae akaondoka.Lakini watumishi wanashika madhabahu kila siku,kila wiki,kila mwezi ,kila mwaka na miaka yote.Hapana hii lazima italeta shida katika utumishi wako .Jitafakari ?,Chukueni likizo hata mwezi mwende kupumzika.
Soma Math 14:13,22-23.17:1-8
Mwisho :
ü Tunahitaji kufanya maombi ya faragha,mahali ambapo simu imezimwa hakuna mwingiliano wa kitu chochote.
ü Unachelewa kukutana na MUNGU kwa kuwa huna faragha naye.Mungu anatabia yakukutana na watu faraghani.
ü Ni afadhali kulala kanisani kwenye mkesha maombi peke yako,
ü Tumia muda ambao hakuna watu kanisani uende wewe ukutane na Mungu.
ü Mungu aliyekutana na Mungu faragha huwezi kumbabaisha na wala hawezi kukutemeshwa na chochote.\
Barikiwa sana.
Somo hili lilifundishwa na Mchungaji John Mkuwa FPCT KISESA 08APRIL 2018

Maoni

Chapisha Maoni

Machapisho maarufu kutoka blogu hii

KUFANIKIWA KI -UCHUMI KWA NJIA YA MUNGU

Picha
SHUKRANI. Ninamshukuru Mungu kwa kunipa nafasi ya kukufikia mtu wa Mungu kupitia ujumbe huu. Pia ninamshukuru mke wangu mpendwa Jane Ayoub kwa kunitia hamasa ya kufanya kazi ya Mungu.Pia watoto wangu Bernadetha Ayoub,Bertha Ayoub na Bernice Ayoub,kwa kuniombea na kuvumilia upweke wangu kwao. Siwezi kusahau watumishi wa Mungu walioandika na kufundisha masomo yanayofanana na somo hili.Nimejifunza mambo mazuri yaliyofanyika msaada kwangu.Nitataja wachache 1.   Dr.Myles Munroe 2.   Pastor Chris Oyakilome (PHD) 3.   Dr.Mensa Otabil 4.   Rev.Primus Muabuzi 5.   Mwl, Christopher Mwakasege 6.   Bishop Augustine Mpemba 7.   Mch.John Mkuwa     8.   Fredrick Eliakim 9.   July Bosha- Kiongozi na   mlezi wangu Kiroho Ninakushauri unaposoma kijitabu hiki utulie kwa makini na kutafakari kwa kina.Nukuu zimetoka katika maandiko matakatifu yaani Biblia.Mahali pengine nimenukuu maandiko ya semina na mafundisho kutoka kwa wapakwa Mafuta wa Bwana.Nina imani utabarikiwa.Ayoub
Endelea kusoma

UCHAMBUZI WA KITABU CHA DANIELI

Na, Rev. Innocent Kamote        SEHEMU YA 1:   KITABU CHA DANIELI.                                            SOMO LA 1:   KUPITIA   YA KITABU CHA DANIELI : A;             D A N I E L I:                 Lengo la 1;   - Eleza Historia fupi ya Danieli. Danieli – jina lake lina maana “ Mungu ndiye Hakimu wangu ”.   Alikuwa mmojawapo wa mateka waliochukuliwa na mfalme Nebukadneza katika mwaka 605 KK. Kutoka Yerusalemu na kupelekwa Babeli.   Aliishi kipindi chote cha utumwa cha miaka 70 huku akiwa nabii na mwandishi wa Kitabu cha Danieli.   Tunamfahamu Danieli jinsi alivyokuwa mcha Mungu, tukisoma Eze.14:14-20.   Inavyoonekana alitokea na ukoo wa daraja la juu huko Yerusalemu.   Danieli hakuwahi kuoa, inawezekana alifanywa towashi kwa sababu alifanya Kazi katika   Kasri la mfalme. B.             KITABU CHA DANIELI:                 Lengo la 2 :   Taja tarehe na makusudi ya kuandikwa kitabu hiki.      Kitabu hiki kiliandikwa kati ya mwaka 536 – 530 KK. Kikiwa na m
Endelea kusoma

SOMO: NGUVU YA DAMU YA YESU KATIKA KUWEKA AGANO

SOMO: NGUVU YA DAMU YA YESU KATIKA KUWEKA AGANO Na Ayoub Jacob Leo,FPCT KISESA 13.11.2016 hadi 27.11.2016 Nini maana ya Agano? Maana:   Ni mapatano au makubaliano yanayowekwa baina ya pande mbili au zaidi ili kutekeleza jambo/mkakati uliopo.Katika Maandiko kuna maagano mengi yaliyowekwa na Mungu na watu au watumishi wake. Mfano Agano la Mungu na Adam Edeni,Mungu na Nuhu,Mungu na Ibrahim,Mungu na Musa,Agano la kanisa la leo kwa damu ya   Yesu( Math 26:28) MSINGI WA AGANO LA DAMU YA YESU Yer 31:31-33,Ebr 8:8 ·          Agano hilo linatambulishwa kuwa jipya ·          Halitafanana na agano lolote lile ·          Agano litatia sheria ndani ya mioyo yao. ·          Ndani ya mioyo yao zitaandikwa ·          Agano litawafanya watu wa Mungu kuwa milki yake. Damu ya Yesu ina nguvu kupita agano lolote :- ( Math 26:28a) ·          Damu ya Yesu kwa ajili ya ondoleo la dhambi Math 26 :28,1Yoh 1:7-8 “ Na kila Kuhani husimama kila siku akifanya  ibada,
Endelea kusoma